2. nóvember – 15. desember 2002
Laugardaginn 2. nóvember kl. 15 var sýningin „Hraun-ís-skógur“ opnuð í Listasafninu á Akureyri en hér er um að ræða listmenntunarverkefni sem var tæp þrjú ár í undirbúningi. Verkefnið er skipulagt af Listasafni Rovaniemi í Lapplandi, Barnalistaskólanum í Rovaniemi og Háskóla Lapplands í samvinnu við Listasafnið á Akureyri og Verkmenntaskólann á Akureyri, ásamt ýmsum aðilum í Narsaq á Grænlandi og Norræna húsinu í Reykjavík.
Verkefnið naut stuðnings frá Norðurlandaráði, Menntamálaráðuneytinu í Finnlandi, Norrænu stofnuninni í Grænlandi-Napa, Íslensk-finnska menningarsjóðnum, Menningarborgarsjóði, Finnsk-danska menningarsjóðnum, Lettersted-sambandinu, Pohjola-Norden, Sleipni, Finnska listaráðinu, Finnska menningarsjóðnum, Sjóði evrópskra menningarbæja, Verkmenntaskólanum á Akureyri og bæjarstjórninni í Narsaq á Grænlandi.
Í bókinni Facing China eru verk einstakrar kynslóðar listamanna sem blómstruðu eftir uppreisnina 1989. Bókin er mjög vegleg og inniheldur greinar eftir Hannes Sigurðsson forstöðumann Listasafnsins á Akureyri, Vigdísi Finnbogadóttur fyrrum forseta og listgagnrýnendurna Li Xianting frá Kína og Robert C. Morgan frá Bandaríkjunum.