Markmið Listasafnsins á Akureyri er að efla myndlistarlíf á Akureyri, auka þekkingu og áhuga bæjarbúa á myndlist og stuðla að framgangi sjónlista og listmenntunar. Mikilvægur þáttur í því er safnfræðsla þar sem tekið er á móti hópum og þeir fá leiðsögn um safnið og listasöguna.

Safnfræðsla skilar bestum árangri þegar nemendur koma á safnið með einhverjar hugmyndir um það sem þeir eru að fara að skoða, ná að tengja upplifun sína á safninu við eigin reynsluheim og vinna á skapandi hátt úr upplifun sinni í skólastofunni að heimsókn lokinni hvort sem þar er í formi verkefna, umræðu eða listasköpunar. Þetta eru í stórum dráttum niðurstöður rannsókna um hvernig best megi nýta sér heimsóknir á söfn til að auðga og efla nemendur.

Hægt er að hafa samband við safnfulltrúa og panta tíma og er best að gera það með nokkrum fyrirvara, gefa upp aldurshóp, fjölda og hvað þeir vilja fá út úr heimsókninni ef það er eitthvað umfram hið hefðbundna.

Örlygur Hnefill Örlygsson safnfulltrúi
sími 848 7600 netfagn art@art.is